Patchwork

PATCHWORK

Seguruenik amerikar pelikuletan ikusita ezagutuko duzue askok eskulan hau. Izan ere, film horietan oso maiz erakusten dituzte patchwork-eskulanarekin egindako ohe- estalkiak, tapizak eta abar.

Patchwoka berez ehun-teknika bat da, eta kolore eta forma ezberdinetako oihal zatiak josiz egiten da. Ohe- estalkiak edo edredoiak egiten dira batez ere, baina baita ere tapizak, poltsak, nezeserrak, kuxinak, saskiak, diru- zorroak, kostureroak…

Eskulan honek historia luzea du, baita estilo edo teknika asko ere (amerikarra, japoniarra…); bata bestearekin era bat desberdinak direnak, gainera. Tailerrean horiek guztiak ikasteko aukera izaten da.

“Irakaslearen gomendioa”

Nire izena Sagra Jauregiberri Ugartemendia da, eta zizurkildarra naiz. Duela 20 urte baino gehiago hasi nintzen patchworka ikasten eta eskulan honen jarraitzaile handia bilakatu nintzen. 2006 urtean Zizurkilen tailerrak eskaintzen hasi nintzen, eta ordudanik patchwork-irakasle modura aritu naiz. Oiartzunen datorren ikasturtea nire zazpigarrena izango da.
Sagra Jauregiberri

ARGAZKI GALERIA