Helduen Tailerrak

Exteban Martiarena oiartzuarrak sortu eta urte luzez eta mimo handiz gidatutako taldea da honakoa. 2021eko urtarriletik, ordea, Aitor Errazkin irundarra dute lemazain berria.

Bat-bateko bertsogintzan abiatu eta jarduteko tokia da, funtsean. Bat-bateko jardunari lotuta, bertsozko ondarea ere lantzen eta aintzatesten da bertan. Bertsogintza idatziz landu nahi lukeen hark ere ez lituzke inolaz ere itxita izango bertso-eskola honetako ateak, baina ez da hori, gaur egun, behinik behin, bertso-talde honek bertsogintzari heltzeko duen molde nagusia. Moldeak molde, talde jator eta moldagarri askoa da. Beraz, bertsotarako gogoz bazara, utzi zalantzak alde batera eta eman izena.