Irabazi-asmorik gabeko erakundea da, eta bere jarduera nagusiak helduen hezkuntza eta garapen pertsonala sustatzea ditu helburu. Horretarako, ikastaroak eta dinamika ezberdinak antolatzen ditu, pertsonen integrazioa errazteko eta Oiartzungo herritarren ongizatean laguntzeko.

Elkartea duela 25 urte sortu zuen emakume talde ausart batek, herriko emakume helduek sozializatzeko espazio seguru eta aberasgarri bat sortu nahi zutelako. Hasierako urteetan, emakumeei zuzendutako ikastaroek protagonismo berezia izan zuten, baina denborarekin, eskaintza zabalduz joan da eta gero eta jende gehiagorengana iritsi da: gaur egun, adin eta genero aniztasuna duen partaide talde batek hartzen du parte HELTAren jardueretan.